കാറിൽ കടത്തിയ എംഡിഎംഎയുമായി യുവാക്കൾ പിടിയിൽ

കോഴിക്കോട്‌: ബാംഗ്ലൂരിൽ നിന്നും കാറിൽ കടത്തുകയായിരുന്ന ലഹരിമരുന്നുമായി നാൽവർ സംഘം പൊലീസ് പിടിയിൽ. കൊടുവള്ളി , കരുവൻപോയിൽ കരുമ്പാരു കുഴിയിൽ ജുനൈദ് എന്ന ടോം (30), കരുവൻപൊയിൽ വട്ടക്കണ്ടി വീട്ടിൽ ഷഫീഖ് എന്ന പീക്കു (32) ,കരുവൻപൊയിൽ പൊയിൽ, പൊൻപാറക്കൽ മുഹമ്മദ് യാസീൻ (24), പുത്തൂർ എടവനകുന്നത് ഷക്കീൽ എന്ന ചിമ്മിണി (25) എന്നിവരെയാണ് ശനിയാഴ്ച അടിവാരത്ത് വെച്ച് പൊലീസ് പിടികൂടുന്നത്.

ഇവരിൽ നിന്നും 11.32 ഗ്രാം എംഡിഎംഎ യും,4.73ഗ്രാം എംഡിഎംഎ എക്‌സ്റ്റസി ഗുളികകളും കണ്ടെടുത്തു. ഇവരുടെ കാറും കസ്റ്റഡിയിൽ എടുത്തു . സ്ഥിരമായി ബാംഗ്ലൂരിൽ നിന്നും വാങ്ങി കോഴിക്കോട്, വയനാട് ,മലപ്പുറം ജില്ലകളിൽ വിൽപന നടത്തുന്നവരാണ് പ്രതികൾ. ഷഫീക് ഗൾഫിൽ നിന്നും അടുത്ത് നട്ടിൽ എത്തിയതാണ്.പ്രതികളെല്ലാം സ്ഥിരമായി ലഹരി ഉപയോഗിക്കുന്നവരാണ്. പിന്നീട് ലഹരി വിൽപനയിലേക്ക് കടക്കുകയായിരുന്നു. ബാംഗ്ലൂരിലെ ലഹരിസംഘത്തെ കുറിച്ചും പ്രതികളിൽ നിന്നും ലഹരി വാങ്ങുന്നവരെകുറിച്ചും അന്വേഷണം നടത്തുമെന്ന് പൊലീസ് അറിയിച്ചു.

സ്പെഷ്യൽ സ്ക്വാഡ് എസ്ഐ രാജീവ്ബാബു,, താമരശേരി എസ്ഐ എ അൻവർ ഷാ, അഡിഷനൽ എസ്ഐമാരായ എസ് നൗഫൽ, നിരഞ്ചന എസ് ലാൽ,,സീനിയർ സി പിഓമാരായ എൻ എം ജയരാജൻ, എൻ എം ഷാഫി, കെ ലിനീഷ്, എം നാൻസിത്, കെ കെ ലിജു, പി കെ ലിനീഷ്, എം ജംഷീന,ബി അതുൽ ,ബി എസ് ശ്യാംജിത്ത് എന്നിവരടങ്ങിയ സംഘമാണ് പ്രതികളെ പിടികൂടിയത്