കുളം വൃത്തിയാക്കുന്നതിനിടെ വിരലിൽ മീൻ കൊത്തി; യുവാവിന്റെ കൈപ്പത്തി മുറിച്ചുമാറ്റി

കണ്ണൂർ: കുളം വൃത്തിയാക്കുന്നതിനിടെ മീൻ കൊത്തിയുണ്ടായ അണുബാധയെ തുടർന്ന് യുവാവിന്റെ കൈപ്പത്തി മുറിച്ചുമാറ്റി. മീൻ കൊത്തിയ മുറിവിലൂടെ അപകടകാരിയായ ബാക്ടീരിയ ശരീരത്തിൽ പ്രവേശിച്ചതോടെയാണ് കൈപ്പത്തി മുറിച്ചുമാറ്റേണ്ടി വന്നത്. കോശങ്ങളെ കാർന്നുതിന്നുന്ന പ്രത്യേക തരം ബാക്ടീരിയ ആയിരുന്നു യുവാവിന്റെ ശരീരത്തിൽ പ്രവേശിച്ചത്. കണ്ണൂർ തലശ്ശേരിയിൽ ക്ഷീരകർഷകനായ രജീഷിനാണ് ദുരനുഭവമുണ്ടായത്.

ഒരുമാസം മുൻപ് പരിസരത്തെ കുളം വൃത്തിയാക്കുന്നതിനിടെ രജീഷിന്റെ കൈയിൽ മീൻ കൊത്തിയിരുന്നു. പറമ്പിൽ പച്ചകൃഷി ചെയ്യുന്ന സ്ഥലത്തോട് ചേർന്നുള്ള ചെറിയ കുളം വൃത്തിയാക്കുന്നതിനിടെയായിരുന്നു സംഭവം. വിരലിലായിരുന്നു മീൻ കൊത്തിയത്. ഇത് അണുബാധയ്‌ക്ക് കാരണമാവുകയായിരുന്നു. മുഷിയുടെ ചെറിയ പതിപ്പായ കടു എന്ന മീനാണ് കൊത്തിയതെന്ന് രജീഷ് പറയുന്നു.