ലഹരിയെ തുരത്താം,ജീവിതം തിരുത്താം എസ്.കെ.എസ്.എസ്.എഫ് ജനകീയ പ്രചാരണത്തിന് ശനിയാഴ്ച താമരശ്ശേരിയിൽ തുടക്കം
താമരശ്ശേരി: ലഹരിയെ തുരത്താം, ജീവിതം
തിരുത്താം എന്ന പ്രമേയവുമായി എസ് കെ എസ് എസ് എഫ് സംസ്ഥാന വ്യാപകമായി
സംഘടിപ്പിക്കുന്നജനകീയ പ്രചാരണന്റെ സംസ്ഥാന തല ഉദ്ഘാടനം ശനിയാഴ്ച താമരശ്ശേരി പഴയ ബസ് സ്റ്റാ സ്റ്റാന്റിൽ നടക്കും.വൈകുന്നേരം 4.30 ന് നടക്കുന്ന ഉദ്ഘാടന ചടങ്ങിൽ ഉദ്യോഗസ്ഥ- സാംസ്കാരിക- കലാ രംഗത്തെ പ്രമുഖരുംമത രാഷ്ട്രീയ നേതാക്കളും ജനപ്രതിനിധികളും സംബന്ധിക്കും. സമൂഹത്തിൻ്റെ വിവിധ തലങ്ങളിലുള്ളവർക്കിടയിൽ വ്യാപകമായി പ്രചാരണം എത്തുന്ന വിവിധ പരിപാടികളാണ് ആസൂത്രണം ചെയ്തിട്ടുള്ളത്.
ലഹരിക്കെതിരെ ജനകീയ ജാഗ്രത സമിതികൾ ഇല്ലാത്ത പ്രദേശങ്ങളിൽ സംഘടന മുൻകയ്യെടുത്ത് ജനപ്രതിനിധികളേയും പൗരപ്രമുഖരേയും മറ്റും ഉൾപ്പെടുത്തി സമിതികൾ രൂപീകരിക്കും.കുടുംബകം (കുടുംബ സംഗമം), ചെറിയ പെരുന്നാൾ ദിനത്തിൽ മഹല്ല് തങ്ങളിൽ പ്രതിജ്ഞ, ലഹരിക്ക് അടിമയായവർക്ക് പ്രത്യേക കൗൺസിലിംഗ് ക്യാമ്പുകൾ, സഹവാസ ക്യാമ്പ് തുടങ്ങിയവ സംഘടിപ്പിക്കും.കൗമാരക്കാരായ വിദ്യാർത്ഥികളുടെ പ്രത്യേക കേഡറ്റ് കാമ്പയിൻ കാലയളവിൽ രൂപികരിക്കും. ഇബാദ് ഖാഫില, പോസ്റ്റർ റീൽസ് രചനാ മത്സരങ്ങൾ, ജില്ലാതല പാനൽ ടോക്, ലഘുലേഖ വിതരണം, ഡോക്യുമെന്ററി പ്രദർശനം, ജനജാഗ്രത സദസ്സ്, ഹോം വിസിറ്റ് തുടങ്ങിയവ നടക്കും. ലഹരി മുക്ത സമൂഹത്തിൻ്റെ സാക്ഷാത്കാരത്തിനായി സംഘടന ആവിഷ്കരിച്ച പദ്ധതികളും നിർദ്ദേശങ്ങളും മുഖ്യമന്ത്രിക്കും പ്രതിപക്ഷ നേതാവിനും സമർപ്പിക്കും.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്‍