തിരുവനന്തപുരത്ത് സ്‌കൂള്‍ ബസില്‍ കത്തിക്കുത്ത്; പ്ലസ് വണ്‍ വിദ്യാര്‍ത്ഥി ഒമ്പതാം ക്ലാസുകാരനെ കുത്തി
തിരുവനന്തപുരം: സ്‌കൂള്‍ ബസ്സില്‍ വിദ്യാര്‍ഥിക്ക് കുത്തേറ്റു. തിരുവനന്തപുരം നെട്ടയത്ത് പ്ലസ് വണ്‍ വിദ്യാര്‍ത്ഥിയാണ് ഒമ്പതാം ക്ലാസ് വിദ്യാര്‍ത്ഥിയെ കുത്തിയത്. ഇരുവരും തമ്മില്‍ നേരത്തെ സ്‌കൂളില്‍ വെച്ച് വാക്കേറ്റമുണ്ടായിരുന്നു. ഇതിന് ശേഷം സ്‌കൂള്‍ ബസില്‍ കയറിയപ്പോഴാണ് പ്ലസ് വിദ്യാര്‍ഥി ഒന്‍പതാം ക്ലാസ് വിദ്യാര്‍ഥിയെ കുത്തിയത്. പരിക്ക് ഗുരുതരമല്ല എന്നാണ് വിവരം.
കുത്തേറ്റ വിദ്യാര്‍ത്ഥി മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. കുത്തിയ പ്ലസ് വണ്‍ വിദ്യാര്‍ഥിയെ പോലീസ് കസ്റ്റഡിയിലെടുത്തിരുന്നു. ഇയാളിപ്പോള്‍ വട്ടിയൂര്‍ക്കാവ് പോലീസ് സ്‌റ്റേഷനില്‍ ആണുള്ളത്. സമീപകാലത്ത് തന്നെ ജില്ലയിലെ മറ്റൊരു സ്‌കൂളിലും സമാനമായ സംഭവമുണ്ടായിരുന്നു.
ഒരു അഭിപ്രായം പോസ്റ്റ് ചെയ്യൂ
0 അഭിപ്രായങ്ങള്‍