യുവാവ് കിണറ്റിൽ വീണു മരിച്ചു.

കോടഞ്ചേരി ആനിക്കാട് വിവാഹത്തിന് എത്തിയ യുവാവ് കിണറ്റിൽ വീണു മരിച്ചു. ഇന്നലെ രാത്രി 10.45 ഓടെയാണ് സംഭവം. കല്യാണവീടിന്റെ സമീപത്തുള്ള ആൾമറയില്ലാത്ത കിണറ്റിലാണ് കൊടുങ്ങല്ലൂർ ഒറ്റതൈക്കൽ മുഹമ്മദ് റാഷിദിന്റെ മകൻ ഷംജീർ (36) വീണു മരിച്ചത്. വരനൊപ്പം വീട്ടിൽ എത്തിയതായിരുന്നു.

ഫയർഫോഴ്സ് സ്ഥലത്ത് എത്തിയിരുന്നെങ്കിലും അതിനു മുമ്പുതന്നെ നാട്ടുകർ കരക്കെത്തിച്ച് ഓമശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. എന്നാൽ ജീവൻ രക്ഷിക്കാനായില്ല.