കന്നൂട്ടിപ്പാറ വിംഗ്സിൽ സ്പോർട്സ് മീറ്റ്

കട്ടിപ്പാറ: മലയോര മേഖലയിലെ  പ്രി-പ്രൈമറി വിദ്യാഭ്യാസ സ്ഥാപനമായ കന്നൂട്ടിപ്പാറയിലെ വിംഗ്സ് ഇംഗ്ലീഷ് മീഡിയം പ്രി പ്രൈമറി സ്കൂളിലെ ഈ വർഷത്തെ കായിക മേള - ഒളിമ്പ്യാഡ് 2K25 കുരുന്നുകളുടെ കായിക മികവിൻ്റെയും സംഘാടനവൈഭവത്തിൻ്റെയും തിളക്കത്തിൽ ആവേശോജ്വലമായ അനുഭവമായി മാറി. 3 തവണ തുടർച്ചയായി കട്ടിപ്പാറ പഞ്ചായത്ത് സ്പോർട്ട്സ് ചാമ്പ്യൻമാരായി ഹാട്രിക്ക് ജേതാക്കളായ കന്നൂട്ടിപ്പാറ ഐയുഎം എൽപി സ്കൂളിലെ ചേട്ടൻമാർക്കൊത്ത കുഞ്ഞനുജൻമാരാണ് തങ്ങളെന്ന് അടിവരയിടുന്നതായിരുന്നു വിംഗ്സിലെ കുഞ്ഞുങ്ങളുടെ പ്രകടനം.LKG വിഭാഗത്തിൽ നിവേദിത്ത്, UKG യിൽ മുഹമ്മദ് മാസിൻ എന്നിവർ വ്യക്തിഗത ചാമ്പ്യൻമാരായി.

    കട്ടിപ്പാറ പഞ്ചായത്ത് വികസന കാര്യ സ്ഥിരം സമിതി ചെയർമാൻ എ കെ അബൂബക്കർ കുട്ടി സമാപന സെഷൻ ഉദ്ഘാടനം ചെയ്തു. ഐയുഎം എൽ പി സ്കൂൾ ഹെഡ്മാസ്റ്റർ അബുലൈസ് തേഞ്ഞിപ്പലം അധ്യക്ഷനായി. സ്കൂൾ PTA പ്രസിഡണ്ട് ഷംനാസ് പൊയിൽ മുഖ്യാതിഥിയായി. വിംഗ്സ് ഹെഡ് ടീച്ചർ പി. സജീന സ്വാഗതവും പി.ബി പ്രബിത ടീച്ചർ നന്ദിയും പറഞ്ഞു. ഷാഹിന കേയക്കണ്ടി, ബുഷ്റ ഇറക്കൽ ,ബാസില ടീച്ചർ, കെ.പി. മുഹമ്മദലി, ഖൈറുന്നിസ മുതലായവർ നേതൃത്വം നൽകി.