കോളിക്കലിൽ "മെക് സെവൻ " റിപ്പബ്ലിക്ക് ദിനം ആചരിച്ചു

പൂനൂർ: കോളിക്കലിലെ വ്യായാമ കൂട്ടായ്മയായ മെക്സെവൻ്റെ ആഭിമുഖ്യത്തിൽ റിപ്പബ്ലിക്ക് ദിനം സമുചിതമായി ആചരിച്ചു. കട്ടിപ്പാറ ഗ്രാമപഞ്ചായത്ത് പതിനൊന്നാം വാർഡ് മെമ്പറും, മെക്സെവൻ കൂട്ടായ്മയുടെ പ്രസിഡണ്ടുമായ മുഹമ്മദ് മോയത്ത് പതാക ഉയർത്തി. മെക്സെവൻ കോർഡിനേറ്റർ ഷമീർ മോയത്ത് സല്യൂട്ട് സ്വീകരിച്ചു. തുടർന്നു നടന്ന ചടങ്ങിൽ അമീർ മുഹമ്മദ്ഷാജി റിപ്പബ്ലിക്ക് ദിന സന്ദേശം നൽകി. വി.കെ. അസ്സയിനാർ, മുഹമ്മദലി, ഹമീദലി എന്നിവർ ആശംസ പ്രസംഗം നടത്തി. ഹമീദ്, വി.കെ.അബ്ബാസലി , വി.കെ.സി.അഷ്റഫ്, പി.പി. ലത്തീഫ്, ഐ.കെ. ബഷീർ, ഹകീം, നാസർ വേണാടി എന്നിവർ നേതൃത്വം നൽകി. പായസ വിതരണവും ഉണ്ടായിരുന്നു. സെക്രട്ടരി മുഹമ്മദ് റാഫി കുരിക്കൾ സ്വാഗതവും എ.കെ. ജാഫർ നന്ദിയും പറഞ്ഞു.