പകൽസമയത്ത് ഇൻഡസ്ട്രിയൽ ജോലി , മാന്യൻ .. രാത്രിയിൽ മോഷണം ഷാജിമോൻ 60 കേസുകളിൽ പിടികിട്ടാപ്പുള്ളി

താമരശ്ശേരി: താമരശ്ശേരിയിൽ  ഒൻപതോളം വീടുകളിൽ കവർച്ച നടത്തിയ ഷാജിമോൻ  കേരളത്തിൻ്റെ വിവിധ ഭാഗങ്ങളിൽ അറുപതിൽ അധികം മോഷണ കേസുകളിൽ പിടികിട്ടാപ്പുള്ളി. മൂന്നു വർഷം മുമ്പാണ്  താമരശ്ശേരിക്ക് സമീപം കോരങ്ങാട് വാടകയ്ക്ക് താമസിക്കുകയും പിന്നീട്  പൊടുപ്പിൽ വീട് വാങ്ങി താമസിക്കുകയായിരുന്നു  .

നാട്ടുകാരുടെ മുന്നിൽ മാന്യനായിരുന്നു ഇദ്ദേഹം പള്ളിയുമായി അടുത്ത ബന്ധം പുലർത്തി, സുബഹി നമസ്കാകാരത്തിന് കൃത്യമായി എത്തുകയും, മറ്റു പ്രാർത്ഥനാ ചടങ്ങുകളിൽ സജീവമായി പങ്കെടുക്കുകയും ചെയ്തു, ഇതിനാൽ ആർക്കും ഇയാളെ സംശയം തോന്നിയില്ല.

പകൽ സമയത്ത്  ഇൻട്രസ്റ്റിയൽ ജോലി ചെയ്തു വരികയായിരുന്നു. മോഷണം നടന്ന കോരങ്ങാട്  നിരവധി ഇൻഡസ്ട്രിയൽ  ജോലികൾ ചെയ്ത ഷാജിമോൻ പ്രദേശം കൃത്യമായി അറിയുന്ന ആൾ തന്നെയായിരുന്നു. അതുകൊണ്ടുതന്നെ മോഷണം നടത്താൻ എളുപ്പമായി.

ഇന്നലെ രാത്രി ബന്ദിപ്പൂർ വഴി കേരളത്തിന് പുറത്തേക്ക് രക്ഷപ്പെടാൻ ശ്രമിക്കുന്നതിനിടെ താമരശ്ശേരി പോലീസ് അതി സാഹസികമായാണ് പിന്തുടർന്ന് പിടികൂടിയത്.

ഇയാളുടെ വീട്ടിൽ പോലീസ് പരിശോധന നടത്തി, ഇയാൾ മോഷണത്തിനായി ഉപയോഗിച്ചിരുന്ന കാറും, ബൈക്കും പോലീസ് കസ്റ്റഡിയിലെടുത്തു.